【我在广州】一个“二胎”政策引起咁大嘅涟漪讲明事关民生嘅事再小都系大事

时间：7年前 (2018-05-04)来源：怀孕期阅读量: 919

导读：

10月30日，阴。
晨早打开朋友圈、微信群，嗰个都嘈之巴闭，喺度讲“二胎”。我谂：国家放开二胎，系近年嚟，事关民生嘅头等大事呢咯。

个个一早就讲生仔，好似噙晚都交咗功课咁。切...！

不过今日如果我唔讲“生二胎”，恐怕我就out咯！嚟到河南某三甲医院嘅儿科，见倒好多家长带小朋友睇病，我捉住嘀家长......

“你好，请问，你知唔知噙晚有咩大新闻啊？”
“放开生二胎啊嘛？”
“你有冇谂过要生啊？”
“暂时未谂住。”
“点解啊？”
“依家呢个小朋友仲细，等佢大嗰嘀先讲啦。”
“呢个系你屋企家族中唯一嘅小朋友？”
“系啊，廿几年嚟嘅唯一咯。”

【我在广州】一个“二胎”政策引起咁大嘅涟漪讲明事关民生嘅事再小都系大事-怀孕期

“你系佢麻麻定系佢婆婆啊？”
“系麻麻。”
“你有冇谂过叫个仔同‘心抱’（媳妇）生多个啊？”
“我唔理呢嘀嘅，佢哋钟意咪生咯。不过一个细路系好阴功嘅，生多个就冇咁孤独咯。”

“你好，麻麻系吗？你知唔知琴日有咩新闻啊？”
“生二胎咯！”
“你屋企有几个孙啊？”
“两个，有外孙有内孙，又做麻麻又做婆婆啊。”
“咁你仲想唔想再要孙子啊？”
“嗨！冇所谓啦，生唔生都得。”

“咁你觉得生几个好呢？”
“两个够晒数啊，生得多唔使养咩？依家嘀后生都好大压力噶！”
“你依家带小朋友睇病，难唔难啊？”
“好彩遇到嘀好医生就唔难咯，肯俾我加号挂，我都知佢哋辛苦嘅。不过睇病排队时间太长，大人细路都辛苦噶。”

“恭喜你啵，大主任。”见倒相熟嘅主任医师，第一句就恭喜佢。
“恭喜咩啊？有乜好恭喜噶？”
“放开二胎，医疗就会跟上，医疗需求大咗，你个科室咪又会壮大咯？”
“你唔好搞错啵，依家嘀医学生都唔愿意嚟做医生噶。佢哋宁愿去做相关行业嘅销售代表，甚至去卖奶粉，都唔想做医生噶。呢几年不怕同你讲，我哋嘀医院都几难招到医生噶。”

【我在广州】一个“二胎”政策引起咁大嘅涟漪讲明事关民生嘅事再小都系大事-怀孕期

“点解啊？”
“我哋嘀医生收入唔够咯，你知唔知依家嘀见习医生几钱个月啊？”
“唔知，乜唔系好润嘅咩？”
“润个鬼！最多攞到手先2000几咋！点够洗啊？”
“唔系啊嘛？”
“你估？唔系点解嘀家长话，俾佢加号就系好人啊。我哋平均一个病人睇6分钟。上午嘅号，一个医生系30个，已经系满负荷工作啦，如果加号，就要超时工作。你估我哋嘀医生系铁打嘅咩？系人都要有时间休息噶。”